menu_b.jpg

Віртуальная музейная экспазіцыя прысвечана жыццёваму і творчаму шляху класіка беларускай літаратуры, ураджэнца Магілёўшчыны, Аркадзя Куляшова, чыё імя з 1978 года носіць Універсітэт.

Творчасць Аркадзя Куляшова – адметная з’ява беларускай літаратуры ХХ ст. Яго вобразныя, дасканалыя паэтычныя радкі раскрываюць складаны духоўны свет сучасніка з яго штодзённым клопатам пра лёс чалавецтва, паказваюць яго моц і трываласць у цяжкіх гістарычных выпрабаваннях. Вядомы крытык і літаратуразнаўца Варлен Бечык ахарактарызаваў паэзію Аркадзя Куляшова як “цэласны лірычны маналог-роздум пра месца чалавека ў грамадстве, пра абавязак мастака, сутнасць паэзіі”.

Віртуальны фармат экспазіцыі дае магчымасць атрымання інфармацыі шырокаму колу карыстальнікаў. У дадзенага рэсурса не толькі інфармацыйна-асветніцкая мэта. Яго місія заключаецца ў захаванні памяці і папулярызацыі культурнай  спадчыны Аркадзя Аляксандравіча Куляшова.

Сярод раздзелаў: біяграфія, грамадская дзейнасць, творчы шлях і літаратурная дзейнасць класіка; фотаздымкі з сямейнага архіва – Аркадзь Аляксандравіч у юнацтве, у ваенны час, у коле сям'і, з пісьменнікамі і чытачамі. Прадстаўлены літаратурныя творы паэта, выдадзеныя ў розны час, бібліяграфічныя крыніцы, спасылкі на поўнатэкставыя матэрыялы і матэрыялы канферэнцыі "Куляшоўскія чытанні".

Асабліва каштоўнымі з'яўляюцца ўспаміны людзей, якія добра ведалі Аркадзя Аляксандравіча і сябравалі з ім. У віртуальнай музейнай экспазіцыі прадстаўлены аўдыё- і відэаматэрыялы.

Асобны раздзел змяшчае інфармацыю аб міжнароднай навукова-практычнай канферэнцыі “Куляшоўскія чытанні”, якая прысвечана памяці Аркадзя Куляшова і праводзіцца штогод на базе Універсітэта. Таксама прадстаўлены паўнатэкставыя матэрыялы гэтай канферэнцыі.

Праца па стварэнні віртуальнай музейнай экспазіцыі працягваецца і па меры збору інфармацыі, лічбавання кніг і дакументаў раздзелы экспазіцыі будуць папаўняцца.

Запрашаем азнаёміцца з матэрыяламі віртуальнай музейнай экспазіцыі жыцця і творчасці Аркадзя Куляшова!

Дакументальны кінапраект “Куляшоўцы”

Дакументальны кінапраект “Куляшоўцы”

Мемарыяльная дошка на будынку ўніверсітэта

Аўтограф Аркадзя Куляшова

1
2
3
4
5
6
7
8
9
10
11
12
13
14
15
16
17
18
19
20
Previous следующий Play Pause
1 2 3 4 5 6 7 8 9 10 11 12 13 14 15 16 17 18 19 20
fon_boot_ss.jpg

© 2023  Библиотека Могилёвского государственного университета имени А. А. Кулешова
Адрес: 212022, г. Могилев, ул. Космонавтов, 1

Яндекс.Метрика